Layback Cafe & Bar (已結業)

香港有好多樓上cafe,亦都有爭多好食既樓上cafe，又黃又好食又值得推介既好似唔多，但呢間就中哂所有特點！我地叫左兩個mains 跟兩個湯同埋叫左野飲！ main dish我地揀左和牛粒扁意粉同埋牛油果軟殼蟹burger 配薯條，另外叫左個小食拼盤，野飲就啤酒同花茶hahaha 兩種唔同既風格！ 先講下個湯，好香磨菇同忌廉味，真係落足料，絕冇欺場～！ 和牛粒扁意粉超正！意粉沾滿左和牛既油香，食落好香牛味！仲一d都唔乾，食哂成碟仲想encore,但係叫多碟又食唔哂，唯有下次再食！和牛粒份量都有好多粒！勁好食！牛油果軟殼蟹burger 估佢唔到個包皮竟然係bagel! 好少見！ 同埋個包皮焗到勁脆，成件事估佢唔到咁夾！ 軟殼蟹又勁大隻，又有大蕃茄同沾滿左溶溶地既芝士！個醬汁好似千島醬既味道，一路講我諗番起個味口水都流緊出黎！呢個必點！ 小食拼盤個份量又係好誇張！又有炸蝦，炸芝士，炸蠔，薯餅，雞肉丸串等！勁抵食！中意食炸物既朋友真係一定唔可以放過！ 食咁多熱氣野都要飲番d鬼佬涼茶解下熱氣haha另外見到廚房門口寫住唔好催，其實我去食個晚都坐滿人，落完單等左唔駛15分鐘都開始有野食，d野食黎