影片
更多
2024-08-16
291 浏览
傳說中，觀塘工業區有間走度假風嘅餐廳。“Be Leaf”。仲未入餐廳，周圍都係度假風設計。花園拱門、度假村式座位、櫻花打卡吊椅等，都係必影嘅地方。由於天氣實在太熱，我哋先嚟兩杯嘢飲。Strawberry Avocado Smoothie - 好士多啤梨，好夠甜之餘，其實杯嘢係非常解渴。試想像冰凍嘅smoothie一啖罐落喉嚨嘅感覺🥶。Grapefruit Summer Soda - 如果唔想咁甜，可以考慮叫呢杯漸變色嘅特飲。靚之餘西柚味好突出，酸道充足帶少少回甘。雜錦海鮮沙律 - 海鮮包括大蝦、帆立貝同魷魚，全部都非常新鮮。新鮮蔬菜上面淋上意大利黑醋，係開胃嘅好選擇。香茅蒜香泰式炸雞翼 - 先讚一樣嘢，佢嘅溫度相當足夠，擺耐咗都仲好熱。雞翼明顯係放咗好多蒜香同香茅落去，非常夠味，亦能保留雞翼本身嘅肉汁。至於跟咗個泰式醬我就覺得未必一定要落。16小時慢煮烤法國鴨腿配牛油燴海鮮飯 - 呢個菜十分考功夫。首先經過慢煮嘅法國鴨腿，咬落去除咗有外面嘅脆香，鴨肉本身嘅鮮嫩亦都冇流失，好明顯係慢煮先有嘅效果。但Risotto絕對冇被比下去。充滿牛油香之餘，亦落咗啲臘腸去調味，可以話係好高質素嘅Ris
“Be Leaf”。
仲未入餐廳，周圍都係度假風設計。花園拱門、度假村式座位、櫻花打卡吊椅等，都係必影嘅地方。
由於天氣實在太熱，我哋先嚟兩杯嘢飲。
Strawberry Avocado Smoothie - 好士多啤梨，好夠甜之餘，其實杯嘢係非常解渴。試想像冰凍嘅smoothie一啖罐落喉嚨嘅感覺🥶。
Grapefruit Summer Soda - 如果唔想咁甜，可以考慮叫呢杯漸變色嘅特飲。靚之餘西柚味好突出，酸道充足帶少少回甘。
雜錦海鮮沙律 - 海鮮包括大蝦、帆立貝同魷魚，全部都非常新鮮。新鮮蔬菜上面淋上意大利黑醋，係開胃嘅好選擇。
香茅蒜香泰式炸雞翼 - 先讚一樣嘢，佢嘅溫度相當足夠，擺耐咗都仲好熱。雞翼明顯係放咗好多蒜香同香茅落去，非常夠味，亦能保留雞翼本身嘅肉汁。至於跟咗個泰式醬我就覺得未必一定要落。
16小時慢煮烤法國鴨腿配牛油燴海鮮飯 - 呢個菜十分考功夫。首先經過慢煮嘅法國鴨腿，咬落去除咗有外面嘅脆香，鴨肉本身嘅鮮嫩亦都冇流失，好明顯係慢煮先有嘅效果。但Risotto絕對冇被比下去。充滿牛油香之餘，亦落咗啲臘腸去調味，可以話係好高質素嘅Risotto，份量亦相當大。
亦都因為咁，我哋食完個Risotto已經飽晒，冇叫到甜品，可能留返下次先，再嚟一次度假嘅體驗？
张贴
