三川居酒屋 (已結業)

街邊太多人與車，繁華鬧市銅鑼灣。我同女友都好怕逼，鬧市入面想搵個傾到計嘅地方甚艱難，誤打誤撞搵到三川居酒屋，門口在商店旁邊唔算顯眼，但一入到地庫...「嘩！好舒服好木系呀！」係我第一感覺。居酒屋係一個促膝長談嘅地方，格調非常重要，木系風格加上寛敞的座位擺設，好比到客人空間感去聯誼。最抵讚係一個個開放式的小包廂卡位，私隱度十足。同女友兩小口子坐喺小包廂入面，享受二人世界✌🏻✌🏻🎊木系嘅menu都好靚，聞落去仲有陣木味。辛苦得來志在食，同女朋友餓左一日，即刻叫野。頭盤係三川雜錦魚生，魚生非常新鮮，最抵讚係隻大蝦，啖啖肉口感十足！ 9/10蝦頭啲膏咇哂出黎拖羅都好新鮮炸物方面，係女友至愛 軟殼蟹天婦羅 8/10大大隻厚厚肉，份量相當足。而且仲有蟹膏，讚👍🏻我鐘意食鱔，竟然呢到串燒燒汁白鱔，唔係度度食到。鱔肉實淨彈牙，口感好好，餸酒一流！9/10葱燒豬肉，不過不失，我覺徊如果可以薄切啲口感應更好 7/10最驚喜係 鰻魚蛋包飯，黃金色的蛋包飯賣相已相當吸引，切開蛋包，裏面嘅鰻魚香滲哂出黎，熱哄哄嘅水氣更添視覺效果！鰻魚亦非常好食！ 10/10總括，食物好，而且格調舒服，非常滿意嘅鬧市晚餐小角落😄