犇之食堂 (已結業)

每次睇台灣電影，總會有好多從前嘅回憶，諗番起同成班同學去打波，坐喺麥記做功課，又諗起隔離班嘅女同學（未就係A姐囉）......再睇番依家，其實都好滿足。情感滿足，咁肚仔呢？今日就同A姐去到銅鑼灣嘅犇之食堂，細說我哋嘅那些年。滷水拼盤拼盤有雞翼、牛腱、腐竹，牛腱份量唔少，滷得夠香又有口感；而雞翼大隻又厚肉，夠晒入味；而最正係腐竹，索晒台式滷水嘅香味，濃郁微甜平，仲有淡淡豆香。犇之滷肉飯滷肉嘅肥瘦度適中，唔會入口油淋淋，攞嚟撈飯就最都正。仲配有半隻滷蛋，相當滿足。犇之三寶麵三寶即係牛腩、牛筋同牛肚，湯底夠濃味，仲帶微辣。麵條係扁身闊麵，口感唔錯；而三寶夠腍夠入味，整體都算唔錯。