Explore Kitchen (已結業)

今次終於有機會同男朋友黎試黃店Explore Kitchen，一上到去就見到門口有文宣俾食客自取，入到去個感覺好舒服，因為裝修好文青，以白色為主調，而且樓底好高，氣氛好舒服。被安排坐係窗邊，太陽晒入黎都唔會好熱，應該係窗戶加左隔熱物料。
同男朋友分別叫左一個牛肉芝士漢堡配薯條同香煎意大利飯配蝦。牛肉芝士漢堡勁多汁，好食! 薯條炸得好脆好香口，不過可能有人會覺得乾左少少。另外，香煎意大利飯好有驚喜，外面脆卜卜，入面有意大利飯個種煙韌，口感好好又好味!!! 十分值得大家黎試下。

提提大家，lunch time同下午茶時間係唔會提供水架，記得自備水。希望大家多多支持黃色經濟圈啦!!!