大澳德發 (已結業)

呢間新開嘅餐廳叫大澳德發，顧名思義就係主打大澳嘅海鮮同海味，而且開張期間仲食滿100蚊送50蚊coupon，我地即刻去幫襯一下。餐廳格局同普通茶餐廳一樣，但卡位比較多，坐得比較舒服，而且仲有電視送飯。餐廳嘅小菜選擇非常之多，多到令人有選擇困難症。有海鮮，有煲仔菜，有炒小菜，有椒鹽，有蒸有炸，晚晚黎幫襯都唔會悶。套餐跟一碗白飯同老火湯，都係加20蚊，都算抵食。大澳酒香咸鮮蒸馬友, 都幾特別, 肉質介乎咸魚同鮮魚之間，魚肉較實，帶少少咸香，有微微酒香, 食得出魚既甜味, 不愧大澳名物西蘭花爆炒帶子龍躉球價錢雖然貴少少，但魚塊同帶子嘅份量都好多，魚肉好新鮮，帶子好鮮甜，味道炒得啱啱好。三弄脆皮醎豬手真係好脆皮，咬落去卜卜聲，豬手肉好冧，非常惹味，送飯一流。金磚脆豆腐細細粒，外皮炸得好脆好薄，入面嘅豆腐非常之滑，呢個外脆內軟嘅口感，好食到停唔到口。食左咁多重味嘅嘢，叫返個地寶魚湯鮮腐竹浸時蔬中和一下。魚湯好鮮甜，腐竹浸在魚湯裡格外鮮甜，白菜仔好甜好脆。