90s Lazy (先施大廈) (已結業)

難得放假，就好想去cafe 坐下，hea 下、relax下、同朋友吹下水。係旺角想搵啲人少少、又舒服既地方真係唔多。竟然俾我搵到間開左無幾耐既cafe，cafe 既寧靜環境同外面既熱鬧街道真係好似兩個不同既世界。海膽大蝦意大利飯 呢度既主食都有好多選擇🤤 最後揀左海膽大蝦意大利飯。雖然好大隻蝦，蝦肉唔太痴個殼，所以都唔會食到好’呢hea’。海膽就融入左個意大利飯入面，份量都唔少，但唔係好食到海膽味🙈 意大利飯煮得不錯，唔會太硬，整體個飯都係好食既。啤酒薯條配黑松露醬🙈幾乎每次去食西餐都會點薯條食。呢度既薯條都不錯，薯條炸得香脆，份量都唔少。黑松露醬唔算濃味，但配起薯條食都係好食既。香辣炸雞翼雖然已經叫左薯條，但都係好想食雞翼。炸雞翼好脆口，味道唔算辣。唔好睇佢炸到咁乾身，入面都仲係好有肉汁。好味！香蕉奶昔Dinner set 加$15就可以升級至特飲。香蕉味好重，甜度岩岩好，可以試試。白桃沙冰 白桃沙冰有好香既桃味，唔係好甜。沙冰實在太冰凍，有敏感牙齒同狀態唔好既人士就唔建議飲啦！