蟲二

营业中

休息中

618上海街，身為偽文青嘅我緊係要去潮聖。呢間餐廳如果想訂枱可以上佢個官網。成個天台都係佢嘅，中間有個露天空中花園畀客人chill一chill，可惜我去果日落雨...貼心嘅職員主動問我哋要唔要口罩袋，應該係自家設計，又幾有心思啵。先嚟個小食，摩洛哥辣雞翼配香料乳酪，啲肉幾嫩口又入味，辣辣哋好惹味，驚辣可以點多啲乳酪醬，酸酸哋好開胃。到重點主菜，個人覺得碗飯好食過條鰻魚😂因為面頭啲飯素撈埋隻蛋加上熱辣辣嘅鰹魚湯令啲飯好夠味，唔洗咬就吞晒落肚，停唔到口，鰻魚落多啲汁會更好味。最尾個甜品係桂花麻薯傳統班戟，佢同我本身諗住食到嘅嘢有啲出入。我一篤落去，發覺佢係比鬆餅淋少少嘅硬度，原來唔係有空氣感果隻班戟，然後個桂花味唔出，同埋麻薯得一舊喺個底度，但整體味道都唔錯嘅。