Zenon Café (已結業)

中環的人個個都步伐急速，由其是返工放工及lunch hour時間， 人多車多，慶幸我與友人可以係非繁忙時間享受一個休閒的late lunch，真係好幸福。今日友人帶我黎呢間cafe，之前返工時時都經過，不過因為每次都好匆忙，所以未有機會去試。門口大大隻字寫住salon，大家唔好以為我post錯相，其實佢係一間cafe + salon，門口張枱感覺好正，可以望住路人行過，嘆返杯咖啡，都好舒服。店內簡簡單單，播放住舒適的音樂，可以好好享受我地的lunch喇~我點了我至愛的Egg Benedict ，切開隻蛋，蛋汁慢慢流出黎，生熟適中，佢地用咗麥包代替英式鬆餅，都唔錯，算係另一種食法。Ice Chocolate ，唔會太甜，仲好似有少少黑朱古力的香味，正！女仕們可以帶埋另一半黎，自己去整頭髮，都唔擔心男士會冇地方hea啦～