ZZAN (已結業)

尖沙咀新開韓式西餐ZZAN鬧市中嘅樓上舖，裝潢簡約，座位寬敞，比起地舖多左一份寧靜，幾啱同朋友黎聚一聚傾吓偈。菜單上有唔少韓式元素：辛辣醬深海八爪魚、醬油蟹、芝士泡菜煎餅、燒韓牛腹脅肉等，仲有啲幾得意嘅料理：人蔘松露什菌扁意粉、紅棗炆牛肉扁意粉~ ▪️醬油甘魚他他沙律 $128沙律睇落頹頹地，但味道意外地唔錯喎！油甘魚超厚切，經醬漬入味之餘，不失鮮味同油香，唔會太鹹。六大塊兩個人share都夠滿足~ 底下嘅生菜爽脆唔苦澀，以醋調味，好清新好健康▪️二人海鮮盤 $688海鮮盤有齊法國膏蟹、波士頓龍蝦、法國虎蝦、法國黃金螺、紐西蘭青口~整體海鮮質素~ 法國膏蟹蟹蓋超多膏龍蝦彈牙。黃金螺鮮甜厚肥有嚼勁，其他就正常發揮。個人幾鍾意旁邊嘅醬汁，微辣帶番茄嘅酸同洋蔥嘅辣~▪️串燒拼盤 $232拼盤有白鱔、濟洲豬腩、新瀉雞翼、牛舌~白鱔外皮燒得香脆之餘，魚肉彈牙唔乾。牛舌軟腍富油脂香。雞翼燒得幾香口，滑嫩多汁，調味偏甜。呢三款都唔錯，唯獨豬腩韌左啲，不過都仍然能夠感受到其油脂豐盈~▪️伊利比亞黑毛豬鞍 $228黑毛豬鞍軟腍唔韌，但有啲位偏乾柴。略嫌調味偏重，蓋過肉味。