勝八居酒屋 (已結業)

同好朋友食飯幾時都唔嫌多！今日同好朋友去左銅鑼灣勝八居酒屋食午餐，好豐富肥美ge一餐，最重要係又知道多左大家近況，又揾到個聚腳ge好地方。午市套餐包沙律菜，小食同湯，份量都唔少，我地都食到好飽😂逢星期一，二，三 食原來仲有85折!前菜+小食+湯: 沙律菜同小食都好開胃，爽口！今日ge湯係豬骨湯，幾清甜。我地一人點左一份套餐開心share!勝八刺身定食 ($188): 勝八刺身定食好豐富，有齊我鍾意ge甜蝦，拖羅，帶子同海膽等等，而且每一塊都好厚切，非常肥美！自選套餐 (鵝肝丼+溫泉蛋照燒牛扒丼) ($128) : 呢個套餐最岩有選擇困難症，成日心大心細ge我！一人套餐，可以揀兩款迷你丼，可以試多d唔同野食，正！今日揀左鵝肝丼同溫泉蛋照燒牛扒丼😁牛扒肉質嫩，鵝肝煎得好香，配上蔥花同乾蒜就更惹味！ 而且鵝肝唔會好膩，入口即溶，配白飯亦唔錯！今日吃得飽飽，希望好快再同好朋友食好野！