个園竹語

营业中

休息中

今日黎咗好靚嘅餐廳食飯，“个園竹語”，位於港威3樓。地點方便。黎到門口好靚，好切合佢主題，竹。而且佢空間感好夠，坐得好舒服。今次，點左5樣野，食物好味。“松鼠桂花魚”，職員會係你面前切開魚變成魚塊。方便食客享用。廚房刀工好好，成條魚切開一格格，炸出黎好靚，好有松子感覺。食落去，魚塊無骨，唔怕小朋友老人家會俾魚骨刺到，入口魚肉嫩滑，唔會炸到好老，而且魚皮好有咬口。不過，酸甜汁比較重，有點蓋過魚肉鮮味。“鐵板的小籠包”，佢個名好得意，同平時食開嘅小籠包唔同，唔係蒸籠上，係鐵板，但比起生煎包，佢皮係薄嘅，肉都比較嫩，仲可以飲到入面嘅肉汁。佢個底食嘅時候，仲有啲脆，幾好食。不過就覺得細隻左少少。“個園揚洲蛋絲炒飯”，炒飯粒粒分明，而且配料多，蝦爽口彈牙，蛋絲真係一絲絲咁，好靚，而且仲好有蛋味。“豆沙鍋餅”，一件切開八份，入面嘅紅豆溶好好食，唔太甜，仲有好重紅豆味。“杏仁湯丸”，杏汁好香好滑，有濃濃杏仁味。甜品仲附上2粒黑芝麻湯丸, 入面芝麻細滑，唔太甜，而且好香芝麻味。如果有外國朋友想黎香港食中餐，个園竹語都係一個好好嘅選擇。