WOFT (已結業)

成日經過呢間係旺角嘅酒吧餐廳，都覺得好好feel...今日終於約到朋友放工黎chill 一chill 因為係星期四嘅關係，唔算好多人，但係音樂比較大聲，氣氛好好但就要大聲啲傾計😂首先食咗個藍青口配香蒜白酒汁，份量好足。青口完全冇沙，有啲海水味，送酒一流。仲要有我最鍾意嘅洋蔥同煙肉粒。正！之後食咗個龍蝦肉忌廉牛肝菌意大利粉。呢個Risotto又係相當足料，兩隻大龍蝦啖啖肉非常香甜。飯嘅軟硬度啱啱好，入晒味！最後就係呢個必食嘅芝士軟殼蟹窩夫漢堡。軟殼蟹同薯圈都炸得好脆又唔會好油淋淋。窩夫有啲似食雞蛋仔咁好好食。成碟野好邪惡好正！不過佢下面有啲沙律菜平衡下，估唔倒都好新鮮好好食！推介推介。得兩個人嘅關係唔係食倒多嘢，本身我哋諗住一定要叫嘅邪惡棉花糖朱古力夾心餅，但真係完全食唔落。所以最後只係叫咗呢杯咦清新嘅Cocktail - 檸檬 桃 熱情果 加啲vodka..非常滿足😂