INN - I’m Not Nothing (裕民坊YM²)

营业中

休息中

和同事中午過來食，事前預先book定位唔洗等位，時間就好充裕好方便。Cafe環境雅致宮廷風格，打卡一流。有室內和戶外座位，置身靚靚花園進餐係幾唔錯的，不過天氣炎熱等秋天再來先，都係揀室內冷氣地方舒服。午市時段有lunch set選擇，包餐湯和飲品，都有好多心水選擇。忌廉南瓜湯好濃郁的南瓜味，口感幼滑，加了蒜蓉包粒，味道好突出。香煎焗厚切豬肉眼配牛肝菌忌廉汁 $128肉眼扒厚身大塊份量唔少，肉質好嫩好有肉汁，表面煎得幾香而且唔油膩。配以牛肝菌汁增添甘香美味。加埋軟滑的薯蓉和翠玉瓜perfect。澳洲和牛烤大菇漢堡配沙律薯條 $118個包好大件，漢堡扒不算大都有牛味，原塊大啡菇好厚身多汁，夾住芝士、生菜、蕃茄、洋蔥配料，口感味道豐富。仲有輕炸唔油的薯條和健康美味沙律，都唔錯啦。飲品檸檬水和檸檬水味道正正常常。