店舖size唔大，但係就好有日本氣息，啱晒掛住日本料理嘅朋友仔。
左揀右揀，都係揀左二人餐，由沙律、前菜、刺身、壽司、至燒物及甜品，望見都覺得好豐富，而且仲要係周年慶，有折扣優惠，抵呀！
頭盤嚟過鏗魚沙律同埋漬物三點，幫自己醒醒位。鏗魚沙律好好味，唔腥易入口。
然後就係我好喜歡嘅刺身同埋壽司，每件刺身都係厚切大大件，好有口感。除左menu提外嘅海膽、拖羅同帆立背壽司外，再加多五件由廚師拍版嘅特色壽司，每一款都令人感到有驚喜，同埋入口都好新鮮。
再黎係雞軟骨同燒物，雞軟骨每粒都好鬆脆，食到停唔到口。而燒物就有雞肉同豬頸肉，每串都香噴噴；同埋仲有秋葵同冬菇，可以幫助下消化。
去到和食就有安格斯牛扒，雖然唔係太大份，但勝在多汁香口。唔少得嘅梗係有熱熱嘅湯，可以暖下胃。
去到甜品就有清甜嘅蜜瓜，清甜解下膩，為整餐畫下完美的句號。
