上網見石門有間cafe竟然有得食鬆餅，一於去試下先
平日下午茶時間去到，坐坐下估唔到幾多人，有啲係媽媽帶埋個小朋友一家大細黎食
朋友就左杯dirty($38)，味道幾好，咖啡同奶比例幾好
我就一慣既選擇，叫左一杯熱既flat white($38)。明明係店鋪坐低飲，但偏偏係用紙杯上。一黎好唔環保，二黎飲既時候，有陣紙杯既味道，大為失望。希望下次，唔好再用紙杯
Flat white既咖啡味道偏淡，奶唔太滑，飲落覺得有啲稀。試左一次，唔會再叫flat white
叫左一份原味鬆餅($62)，有三大塊。賣相好靚，等左廿分鐘，都值得既。食落好有蛋味，入口滑滑既，唔錯。
總體黎講，作為一間咖啡店，佢既咖啡屬普通，唔會令我想再去飲咖啡。鬆餅就真係幾好食。
招呼就一般，無乜特別
