影片
更多
2023-08-03
27 浏览
呢日同朋友響銅鑼灣shopping，知道朋友極之鍾意鬆弛熊，專登帶佢嚟附近一間食日本拉麵嘅舖頭，入邊勁多鬆弛熊佈置，一定要入去打下卡。餐牌入面除咗有用咗鬆弛熊做主題嘅拉麵同埋飲品之外，亦有其他拉麵及小食選擇。為咗影靚相，我哋當然揀咗我以鬆弛熊為主嘅拉麵同沾麵各一款，仲有一個拼盤小食，同埋兩杯特色飲品。特製沾麵（$108）- 唔少得有鬆弛熊造型嘅魚蛋片，好cute。沾麵份量唔少，有幾款醬汁選擇，包括胡麻醬、熱牛乳湯、魚介醬油湯同埋味噌湯。見天氣熱，我點咗胡麻醬，連埋沾麵、叉燒、蟹柳、粟米等材料食，味道好清新。特製牛奶拉麵（$98）- 牛奶味又濃又滑，拉麵質地彈牙，配埋叉燒、豬軟骨同埋溏心蛋，味道唔錯。炸雞拼章魚燒（$68）- 炸雞入口香脆，章魚燒熱辣辣，入口好惹味。好特別跟埋士多啤梨醬，估唔到味道又幾夾喎。特製百香果梳打同特製士多啤梨梳打（各$39）- 造型好靚好可愛呀，打卡一流。梳打配上水果香味，唔算太甜，好啱炎炎夏日飲。餐廳佈置好靚，好多位置都以鬆弛熊為裝飾，簡直處處都係打卡位。見到餐牌仲做緊限定品，有鬆弛熊餐具（入面有拉麵碗同埋不鏽鋼筷子），仲有購物袋，又靚又好實用。朋友忍唔住即時
餐牌入面除咗有用咗鬆弛熊做主題嘅拉麵同埋飲品之外，亦有其他拉麵及小食選擇。
為咗影靚相，我哋當然揀咗我以鬆弛熊為主嘅拉麵同沾麵各一款，仲有一個拼盤小食，同埋兩杯特色飲品。
特製沾麵（$108）- 唔少得有鬆弛熊造型嘅魚蛋片，好cute。沾麵份量唔少，有幾款醬汁選擇，包括胡麻醬、熱牛乳湯、魚介醬油湯同埋味噌湯。見天氣熱，我點咗胡麻醬，連埋沾麵、叉燒、蟹柳、粟米等材料食，味道好清新。
特製牛奶拉麵（$98）- 牛奶味又濃又滑，拉麵質地彈牙，配埋叉燒、豬軟骨同埋溏心蛋，味道唔錯。
炸雞拼章魚燒（$68）- 炸雞入口香脆，章魚燒熱辣辣，入口好惹味。好特別跟埋士多啤梨醬，估唔到味道又幾夾喎。
特製百香果梳打同特製士多啤梨梳打（各$39）- 造型好靚好可愛呀，打卡一流。梳打配上水果香味，唔算太甜，好啱炎炎夏日飲。
餐廳佈置好靚，好多位置都以鬆弛熊為裝飾，簡直處處都係打卡位。
見到餐牌仲做緊限定品，有鬆弛熊餐具（入面有拉麵碗同埋不鏽鋼筷子），仲有購物袋，又靚又好實用。朋友忍唔住即時入手一套，見在場都有唔少人買咗。
张贴
