大將 (已結業)

之前聽朋友講有間日式火鍋店係用機械人🤖送餐, 聽落真係好得意咁😯於是今日小妹係北角買完野之後就順便同朋友去將軍澳分店試下🤭! 餐廳環境好大, 而且係入口嘅另一邊仲有一個小型超市! 餐廳提供幾款放題, 而今次小妹就揀左澳州和牛放題, 除左有澳洲和牛🐂, 仲有五花肉🐖同特選雞腿肉🐔, 而其他醬料, 蔬菜🥬, 火鍋配料都係係出面拎, 除左火鍋之外仲有前菜小食, 熟食🍲, 飯類🍚, 多款飲品🥤同甜品🍰! 至於湯底亦有好多款比你揀, 小妹同朋友分別揀左日高昆布鍋同五日市豚骨鍋, 兩個鍋嘅味道岩岩好, 清清地食落唔口渴! 坐底無耐機械人貓貓🤖🐱就會為你送上肉肉🥩, 澳洲和牛油花均勻, 肉味濃郁, 五花肉味道鮮嫩, 雞肉香甜滑溜😊!醬汁方面除左可以自由配搭自己平時嘅口味, 佢地亦調製左幾款特色醬汁, 例如椰汁芫荽🥥, 味噌芝麻醬同柚子昆布汁! 幾款醬汁之中椰汁芫荽醬比較特別, 一開頭睇真係會覺得伏伏地🤨, 但食落又幾得意, 入口椰子味幾香, 之後會慢慢滲出芫荽味, 可能因為有芫荽所以令椰汁果種膩感消除左, 變得清新! 配料除左有多種新鮮蔬菜🥬同菇菌類🍄, 另有多款日式丸類, 有d外型仲好可愛😍, 最