牛川日本和牛專門店 (已結業)

約朋友聚下唔知食咩好，食燒肉放題就啱曬，$458可以任食到A5和牛😳仲有有其他壽司刺身任食，真係幾抵咁喎🤤最鐘意牛肩胛同牛肩梅花，油脂分佈均勻，一食落口個人即時溶化左。海鮮拼盤既牛油扇貝燒好都仲係大大粒🦐虎蝦新鮮彈牙，🦀甲羅燒蟹膏味濃郁；刺身以船上，夠凍同鮮甜，除左平時食到既刺身，仲有得揀泰式生蝦，配上酸甜嘅泰式醬料，放係刺身船都好夾；🍱黑松露燒牛肉他他同蝦餅吞拿魚小食味道都好有驚喜，可以一試；🍵雪櫃有多款冷泡茶可以選擇👍🏻好欣賞佢嘅日式網燒係配合可以拉低既抽風管，食完燒肉都唔怕成身味；環境乾淨，食物選擇多到根本試唔曬，120分鐘既放題好快就好滿足🤭