越味皇 (已結業)

今日收早但已經好肚餓,我同朋友6點半到唔使排隊，但7點後就好多人系度排隊，好彩早收工去食。 D 野食好快上台。先黎柚子鮮蝦沙律, 冷盤酸酸甜甜開胃啊。 之後蝦頭膏檬粉都還快上台。雖然賣相一般，仲以為有伏， 但一飲個湯底超級鮮甜味，蝦味濃郁，我地一口氣就食左成碗檬粉, 先叫有d 野落肚，回一回氣。咖哩牛腩煲配法包既牛腩炆到超級入味，牛筋薯仔竟然入口即溶，一定落足料，炆到夠耐先可以甘淋。相比起法包，呢個我地真係好想要一人一碗白飯送牛腩多d 。另外我地都叫左個拼盤，一口氣試曬春卷，蒸粉卷，豬肉蝦片，炸扎肉。個人黎講覺得豬肉蝦片最好食，不過一口食唔曬，掉了些出來，店主可以考慮下改善下個設計。我叫左牛油果沙冰，足料，而且好香牛油果味，唔會太甜，可以一試!