影片
更多
2018-01-29
103 浏览
周日上午，同阿妹睇完早場電影，在附近走走逛逛，順道尋覓醫肚之選，遠遠望到真心泰的招牌，正好想食泰國菜，Deal~第一次來到朗晴坊，雖然門口好多食肆宣傳牌，但一路行樓上去，都覺得自己係米行錯後門XD行到一樓見到兩個深綠色垃圾筒，直頭覺得行錯路，急急腳想落下揾正門，好彩後面咁啱有人上來，就照行多層試下啦。真心泰在二樓，室內裝修睇得到有花過心思，倒掛雨傘的天花更是擊中我的最愛，滿室泰味濃厚的擺設，但明顯一切都有時間留下的痕跡，有點陳舊，有點褪色......兩點幾的時間，正值tea time, 可能位置隔涉，不太旺場，五六桌人安靜用餐，我倆選擇了近窗邊的角落位。下午茶meun選擇頗多，全部都係$3x， 包野飲同甜品，而且睇隔離枱，份量一點都不下午茶，同lunch 無分別！如此價錢，實在良心！！選擇困難症發作一輪後，我點了喇沙雞絲米粉，阿妹食泰式冬蔭炒金邊粉(因為我想食金邊粉，所以轉咗~) 勁多花生碎同蝦米仔！！！喇沙湯底非常夠味，而且有花生碎和蝦米仔，令我想起之前在檳城食的喇沙！！對完全唔食得辣的人來講，可能會有少少辣，但惹味是肯定的！而且份量非常夠，作為一個大食的女仔，食完好飽！！金邊粉亦相
第一次來到朗晴坊，雖然門口好多食肆宣傳牌，但一路行樓上去，都覺得自己係米行錯後門XD行到一樓見到兩個深綠色垃圾筒，直頭覺得行錯路，急急腳想落下揾正門，好彩後面咁啱有人上來，就照行多層試下啦。
真心泰在二樓，室內裝修睇得到有花過心思，倒掛雨傘的天花更是擊中我的最愛，滿室泰味濃厚的擺設，但明顯一切都有時間留下的痕跡，有點陳舊，有點褪色......
兩點幾的時間，正值tea time, 可能位置隔涉，不太旺場，五六桌人安靜用餐，我倆選擇了近窗邊的角落位。
下午茶meun選擇頗多，全部都係$3x， 包野飲同甜品，而且睇隔離枱，份量一點都不下午茶，同lunch 無分別！如此價錢，實在良心！！
選擇困難症發作一輪後，我點了喇沙雞絲米粉，阿妹食泰式冬蔭炒金邊粉(因為我想食金邊粉，所以轉咗~)
勁多花生碎同蝦米仔！！！
喇沙湯底非常夠味，而且有花生碎和蝦米仔，令我想起之前在檳城食的喇沙！！對完全唔食得辣的人來講，可能會有少少辣，但惹味是肯定的！而且份量非常夠，作為一個大食的女仔，食完好飽！！
金邊粉亦相當開胃，阿妹最近胃口一般，成日話飽飽滯滯，但竟然都食哂全部！
tea set附送甜品，但我見有兩枱客都無叫staff上甜品就走了，好奇甜品係咩，雖然已經飽飽哋，但都叫姐姐上甜品......
登~登~登~~
糖水一碗！
我實在叫唔出呢款糖水的名堂，用料應該有綠豆邊&蛋花，我覺得味道ok, 阿妹就麻麻地喇，總之對個送的甜品唔好太大期望啦。
順帶一提，tea set包埋一般的飲品，比較特別的係呢度有青檸水，青檸茶，我叫左杯青檸茶消滯，阿妹就要左泰式椰奶，椰奶我覺得稍甜，但配辣食可能好夾~~~
總括來講，呢個tea真心抵，味道又好，而且非常飽肚，行開附近唔知食咩的話，不妨一試！
张贴
