原來佢係每日都有唔同嘅餐單俾人揀，我就托熟路嘅朋友幫我預先訂咗個餐，我叫咗一個墨汁意粉，朋友就個蒜香雞扒飯，成間野感覺都好乾淨棋你，印象都幾好，幾高科技感覺，店員嘅服務態度都好好，最驚喜係佢哋嘅飲品好高質，好多選擇，好多香港平時都冇得買嘅汽水飲。
我個墨汁意粉一打開都真係幾驚喜，因為好多時啲便當嘅意粉都可能會有啲伏，但係呢個一眼睇落已經覺得好高質，食落真係唔使講，啲物質好香好濃，意粉嘅質感都意外地保持得好好，唔會林晒，仍然有彈牙嘅口感，更加驚喜嘅係佢嘅墨魚，佢啲墨魚好彈牙，勁有咬口，感覺到有好高嘅脂肪濃度，總之就勁好味，好味過好多餐廳嘅墨魚圈！呢個餐再加個波子汽水真係一流，好耐冇飲過波子汽水，估唔到會喺數碼港都有得飲！
朋友食嗰個雞扒飯佢都一路食一路讚不絕口，話估唔到咁高質！我都聞到佢個飯啲雞都好香，下次都想試吓！
