The BASE nature (已結業)

今日過嚟荃灣呢一邊搞啲嘢，心情特別好，好想享受下一個豐富而簡單嘅午餐，但係又唔記得食早餐喎，有時諗諗吓就過嚟試吓呢一間西餐，佢呢一間野都屹立喺呢個商場都兩三年啦，之前疫情真係少咗好多人去，搞到我都好怕呢間野倒閉，於是就過嚟呢一邊幫襯下啦，我大概一點左右過嚟，已經好多人排緊隊啦！完全感受到疫情好似過去咗，生氣勃勃，希望大家加油，戰勝呢！咁打開Menu就見到我最鍾意食嘅全日早餐而佢亦都係叫做Full Day breakfast 我亦都叫咗一杯特飲，呢杯特飲酸酸地，亦都有好香嘅玫瑰味，感覺清新，而且唔太酸，有清新嘅花香味，屬於女人嘅因物！亦加上佢呢一個港女小姐THE ICON真係令我好好笑！之後正餐就到啦，呢一個全日早餐會想牛角包，大飛菇，薯餅，素食蟹餅，菠菜， 65度嘅溫泉蛋，火腿，雞肉腸，豬肉腸，煙肉，酸椰菜，西柚沙田柚沙律，燒蕃茄同埋茄汁焗豆，睇吓呢一度都成10幾種菜式，非常之豐富！而且佢亦都唔係好似一啲餐廳咁交行貨，每一件都精心炮製，絕無馬虎！一個全日早餐都只不過係$100多少少亦都加左一杯嘢飲我覺得非常之超值，希望大家都可以過嚟呢度試吓啦！