韓牛牧場 (已結業)

耐唔耐都心思思想食韓國嘢。既想食燒肉又想食燒海鮮但又想食韓國小食。呢間韓燒放題就啱哂❤️，選擇多仲好好味😋。餐廳近門口放咗自助counter, 有唔少前菜同沙律。仲有冷盤海鮮，翡翠螺、青口同凍𧎚，都新鮮好味。旁邊嘅雪櫃放咗不少飲品，啤酒、汽水、果汁/茶等，選擇都不小。前菜已經好豐富- 韓國醬油蝦 ：好新鮮，又入味👍🏻- 手作刺身韓牛壽司：鮮紅嫩滑韓牛好正。- 6色刺身拼盤： 刺身都好新鮮，甜蝦鮮甜，帶子大隻好味- 四合海鮮燒烤拼盤：鮑魚新鮮、鮮蝦、大蜆都大隻鮮甜。燒烤食物種類選擇亦多。（牛、豬、雞、海鮮、蔬菜）。燒物放喺無煙火嘅旋轉烤爐上慢慢燒，好享受。個人比較鍾意食牛，海鹽牛舌、韓式牛仔骨、安格斯牛肉眼扒同羊架，都好新鮮同juicy，唔會un 。另外主食亦有好多選擇：各款韓式湯、小食如炒年糕、天婦羅、炸物、煎餅等，都好回味😋最後甜品有韓國雪米糍同雪條，大大滿足。