寮居酒屋 (已結業)

出街食飯唔想行太遠，又唔想去啲大商場/連鎖店，所以搵左間黃色小店試吓。見到OpenRice 資料話6點先開舖，於是6點3先出門口，結果6點半去到已經冇位啦🙃好彩等左半個鐘多啲有位，店員禮貌好好(o^^o)串燒方面食左燒牛舌，燒茄子，燒霜降牛肉，燒蜜糖芥末雞翼全部都好好食，肉類好厚身，調味唔會太鹹（我哋冇嗌到飲品）另外仲食左個大阪燒同泡菜豚肉鍋，大阪燒正正常常，泡菜鍋有驚喜，配上白飯一流，而且豚肉份量一啲都唔少！唯一缺點係泡菜鍋個賣相有待改善值得encore！