雞駅花膠雞米線專門店

营业中

休息中

今日去咗食雞駅新分店，呢度有招牌花膠雞米線之外仲有一人Shabu Shabu，性價比超高。招牌花膠雞米線湯底係靈魂！花膠雞湯濃郁鮮甜，奶白色，飲得出真材實料熬製，感覺滋補。花膠份量足，口感軟糯。雞肉嫩滑唔柴。米線吸盡湯汁精華，配料仲有蟲草花、雲耳等養生食材。呢間分店仲可以用火鍋爐保持米線嘅溫度，$68絕對抵食！ 牛肩胛Shabu Shabu套餐火鍋有多款牛肉，豬肉同埋雞肉揀，我哋揀咗牛肩胛肉 。湯底選了姬松茸花膠湯，同樣很多花膠，而且菇菌味道超香。牛肩胛色澤唔錯，肉質柔嫩，肉味香，輕涮幾秒就食得，另外可以喺醬料吧度拎火鍋醬料例如麻醬蘸牛肉食。 火鍋附送的配料豐富，芝士腸，長腳蟹棒、芝士竹輪爆漿芝士好邪惡、福袋吸湯一流而裏面係蟹籽丸餡料，娃娃菜同粟米仔新鮮爽甜，份量超飽肚。 麻藥蛋溏心蛋黃流心，醃得入味帶微甜，撈米線或直接食都正！ 熱檸水跟餐只需加$4，飲完濃厚花膠雞湯之後飲番杯，清新解膩。