講返啲餸，胡椒花膠雞湯真係推介，性價比高，都只係$98，胡椒味香但唔辣喉，啖湯飲落好暖胃，花膠份量又好多。蜜椒金薯一口黑毛牛炒得好香口，牛肉軟腍帶油香，配上甜甜的薯仔粒，一上枱好快就清碟。魚香肉鬆茄子煲就夠晒惹味，送飯一流，熱辣辣咁食好香口好正。魚湯翡翠浸蘭花蚌都好出色，魚湯鮮甜唔腥，蘭花蚌份量不口，爽口唔韌，配埋啲菜心食好清新，啖湯又飲得，算係今餐其中一道驚喜。
整體嚟講呢間餐廳都係水準之上，價錢唔算貴，如果一大班人想食飯搵個坐得舒服又好食好服務嘅地方，可以考慮下港晶軒！
#香港 #香港旅行 #香港美食 #香港探店 #香港中菜館 #港晶軒 #尖沙咀 #粵菜 #點心 #美食
