更多
2023-02-08
1487 浏览
自几年前去过西班牙旅行，就对当地美食念念不忘，所以不时都会揾啲西班牙菜食吓。最近就比我揾到间高质嘅西班牙餐厅位于西营盘嘅La Paloma，主打西班牙菜，餐厅空间感十足，装修色彩缤纷，近门口嘅一幅墙就印上西班牙海鲜饭嘅制作方法，几有创意！🍴Seafood Paella - 西班牙菜嘅主角一定系西班牙海鲜饭，当中嘅精髓系制作海鲜饭过后，锅底嘅一层饭焦，称之为SOCARRAT，西班牙语中「烤焦」之意，而La Paloma正正就做到这么重要嘅一部份。配料就用上鱿鱼、蚬肉、青口、虾，新鲜入味👍🍴Explosive Salmon “TNT” - 以脆饼做底，面层放上烟熏三文鱼及三文鱼子，再配以酸忌廉酱，几醒胃嘅一道Tapas！🍴Iberico Ham with tomato bread - 面包烘脆后搽上蕃茄酱，非常好味！西班牙菜又点少得伊比利亚火腿，餐厅用上嘅系橡木果喂饲黑毛猪火腿，无激素饲养，非常矜贵！🍴Patatas Bravas - 传统烤薯角做到真正外脆内软，淋上自家制红椒粉酱，少少辣好惹味！🍴Mushroom Croquettes - 忌廉球炸得酥脆可口，再以蘑菇蓉做馅料，食落系先脆
位于西营盘嘅La Paloma，主打西班牙菜，餐厅空间感十足，装修色彩缤纷，近门口嘅一幅墙就印上西班牙海鲜饭嘅制作方法，几有创意！
🍴Seafood Paella - 西班牙菜嘅主角一定系西班牙海鲜饭，当中嘅精髓系制作海鲜饭过后，锅底嘅一层饭焦，称之为SOCARRAT，西班牙语中「烤焦」之意，而La Paloma正正就做到这么重要嘅一部份。配料就用上鱿鱼、蚬肉、青口、虾，新鲜入味👍
🍴Explosive Salmon “TNT” - 以脆饼做底，面层放上烟熏三文鱼及三文鱼子，再配以酸忌廉酱，几醒胃嘅一道Tapas！
🍴Iberico Ham with tomato bread - 面包烘脆后搽上蕃茄酱，非常好味！西班牙菜又点少得伊比利亚火腿，餐厅用上嘅系橡木果喂饲黑毛猪火腿，无激素饲养，非常矜贵！
🍴Patatas Bravas - 传统烤薯角做到真正外脆内软，淋上自家制红椒粉酱，少少辣好惹味！
🍴Mushroom Croquettes - 忌廉球炸得酥脆可口，再以蘑菇蓉做馅料，食落系先脆后淋，口感同味道都非常好！
🍴Garlic & chili prawns - 大虾够大只，再以蒜香辣椒煮成，蒜香味浓之余又有少少辣味，调味方面做得几好！而法包我会点一点蒜香辣椒酱嚟食，惹味好多！
🍴Scallop on Fire - 带子鲜甜爽口，配上伊比利亚火腿和小椰菜，龙虾汁垫底，味道同打卡度高嘅一道前菜
🍷Red Sangria - 食西班牙菜又点少得Sangria，和传统冲调方法差不多，用上红酒、苦艾酒、梳打和新鲜水果等等，饮落有各种水果嘅甜味香气，减低了酒精浓味，相对平易近人
🍷White Sangria - 以白酒代替，再加入蜜桃味伏特加，热情果和其他新鲜水果，我觉得相对易入口，几适合女士饮用
🍰Basque burnt Cheesecake with raspberry sorbet - 必食嘅一款西班牙甜点，芝士蛋糕细腻绵柔，加入杂莓雪葩可以平衡翻食芝士蛋糕嘅饱滞感觉
另外餐厅设有酒吧区，提供各式各样嘅西班牙美酒，我就试咗枝啤酒，正正系我当年去西班牙饮过嘅，所有回忆番晒嚟！
张贴
