花盃日本料理

营业中

休息中

今晚同成班朋友book咗鐵板燒廚師發辦，所有嘅食材好新鮮，廚師好細心了解我哋每個人唔同嘅口味。其中有一道燒原隻龍蝦，蝦肉鮮甜美味；燒牛好Juicy；燒帶子大大粒，肥厚啖啖肉；魚湯鮮甜。每一道菜我哋都讚不絕口。唯一令我地不快係waitress既服務態度，真係有好大好大好大嘅改善空間。例如係：啱啱飲完杯茶未放低就一手搶走；筷子冇擺係筷子托，佢就會用唔好嘅語氣督促我哋擺返好；朋友太飽冇食飯，想問Waitress拎隻碟食最後一道菜，佢話程序上係用飯碗食菜，明白係有程序嘅，但朋友只係想要隻碟食返最後一道菜；仲有太多太多，言語對話間都令人極唔舒服。高級餐廳，Waitress嘅服務質素比茶餐廳仲要差。餐廳整體都好好。希望你地唔需要遇到類似嘅待遇，影響享受美味一餐嘅心情。