K House (已結業)

嚟到深水埗，到食飯時間，唸住係西九龍中心求其食一餐就算，但係唔想咁悶，就搵啲新嘢嚟食。朋友就話想試呢間西餐廳。午市人均80蚊到，以食西餐嚟講價錢都唔錯嘅。我地一人叫咗一個餐可以share食。跟餐仲送餐湯及飲品。自家烤製玻璃乳豬配黃薑飯，唔知點解叫玻璃乳豬，係咪因為乳豬皮好似玻璃咁“令”呢？乳豬燒得幾好，唔會特別乾鞋，皮燒得好香脆，肉質嫩滑多汁，都唔錯。黑松露卡邦尼意粉：味道濃郁，好香黑松露味，配料有火腿同菇，仲加咗一啲類似青芽菜的蔬菜令到意粉帶有一點清新嘅味道。以咁嘅價錢嚟講，食物質素真係唔錯！