影片
港铁长沙湾站 A2 出口, 步行约6分钟
继续阅读
开饭介绍
餐厅装潢极具情调，舒适宽阔，提供多国菜，如英式、法式等。店铺受欢迎的招牌菜为「烧春鸡配南瓜汁烩意大利粉」。
继续阅读
以上资料只供参考，请与餐厅确认详情
食家推介
招牌菜
今晚又黎SSP揾食，朋友介绍左呢间性价比奇高既餐厅，果然无介绍错！呢度既Dinner Set 由$88去到$168都有，但$168竟然可以食到羊扒同西冷！我地点左两个Set ，一份系威灵顿焗三文鱼，一份系老板强烈推介既羊扒。两份set都无令到我失望，真系超有惊喜同好食！首先跟Set 有汤同前菜，两样都唔错，前菜好特别系焗薯饭波波，口感食落又唔错！然后到主菜威灵顿焗三文鱼，份量适中，酥皮好脆，包住厚身三文鱼扒，配埋秘制酱汁，好夹好好味！然后到羊扒，老细介绍时话唔会有羊稣味，食落果然真系无，份量有成四件扒，外脆内嫩又多汁，真系对得住$168呢个价位有突，好推荐试！最后想讲下服务，一餐饭食得开唔开心服务都好大影响，餐厅所有员工都好有礼貌同介绍食物，感受到佢地用心经营，食得特别有爱同开心啊！
继续阅读
公司附近开咗间新嘅餐厅，同事都讲过几次话想去试下，不过就次次都拣咗食其他菜式，所以遗忘咗佢。今日就终于轮到去试试，距离公司其实好近，行几分钟就到，以后都可以变饭堂之一啦。午市都有好多选择，大约$48-$98一个餐，连汤及餐饮，真系抵食。我今朝食咗个大早餐，食lunch时间都未系好肚饿，叫得大份又食唔晒，做大嘥鬼，所以拣食沙律。鸭胸凯撒沙律味道正常，生菜好新鲜，无变黄出水，鸭胸无过咸，合格有余。加埋个餐汤及餐饮啱啱好，唔会过饱。见其他同事嘅餐都好好味咁，下次要食个扒餐，好大份呢~~
继续阅读
嚟到深水埗，到食饭时间，念住系西九龙中心求其食一餐就算，但系唔想咁闷，就揾啲新嘢嚟食。朋友就话想试呢间西餐厅。午市人均80蚊到，以食西餐嚟讲价钱都唔错嘅。我地一人叫咗一个餐可以share食。跟餐仲送餐汤及饮品。自家烤制玻璃乳猪配黄姜饭，唔知点解叫玻璃乳猪，系咪因为乳猪皮好似玻璃咁“令”呢？乳猪烧得几好，唔会特别干鞋，皮烧得好香脆，肉质嫩滑多汁，都唔错。黑松露卡邦尼意粉：味道浓郁，好香黑松露味，配料有火腿同菇，仲加咗一啲类似青芽菜的蔬菜令到意粉带有一点清新嘅味道。以咁嘅价钱嚟讲，食物质素真系唔错！
继续阅读
大食妹今日又同朋友仔去深水埗觅食经过一间几抵食嘅西餐 - k house, 就过咗去食<烤澳洲羊扒配薯菜>店员极力推介佢嘅澳洲羊扒, 可惜大食妹唔好羊肉, 就冇嗌啦~~反而喺朋友仔好奇, 嗌咗嚟食大食妹试咗两啖, 羊肉骚味唔系好重, 肉质烟韧, 配上佢外围裹住嘅面包糠同 调味, 口感几特别 如果觉得唔够味道, 可以自行配上蜜糖芥末<英式什扒配薯菜>大食妹就嗌咗个英式杂扒配薯菜, 杂扒里面有猪扒、鸡扒、烟肉、肠仔等等, 最啱大食妹呢啲钟意乜都钟意食少少嘅女仔虽然唔系以铁板上菜, 但佢嘅摆盘都相当唔错<粟米蛋花汤>相比起主食, 大食妹认为佢嘅前菜同埋甜品都比较有特色 一嗌完嘢食之后, 侍应就会畀碗粟米蛋花汤你, 睇落去相当家常<单骨炸鸡>然后蛋花汤配嘅竟然唔系餐包, 而系单骨炸鸡, 呢点相当新奇<布朗尼配棉花糖>布朗尼嘅朱古力味唔系特别出众, 但配上裹住椰丝嘅棉花糖, 睇落都几靓
继续阅读
跟同事逛完黄金商场又到晚饭时间，随心走入一间西餐厅。L 选了一客宝云酥烤澳洲羊架配薯菜，，外层脆脆，好吃好吃！外层面包糠香脆均匀，肉味亦都浓。如果可以将焗的时间缩短小小内层肉质就更嫩。入口亦没有膻的感觉， 可能因为加入了适量的香草盖过膻味。虽然不沾任何酱汁都够味，但伴碟的芥末酱是值得一赞的。通常是威灵顿是配牛肉，不吃牛肉的同事看到英式威灵顿酥皮是配焗三文鱼即二话不说选这个。外层威灵顿酥皮松脆易切开亦不会碎散。包住的是菠菜蓉及厚肉到似午餐肉的三文鱼。 喜欢较浓味的可以沾上伴碟的酱汁。餐厅勇于尝试创作新菜色的风格于头盘及餐汤展示，炸雀巢就是将炸腐豆卜表面加上蟹子，入口清新而且开胃。至于以香芋取代薯仔的忌廉汤口感没有太厚的感觉。朱古力布朗尼底层为棉花糖椰丝餐厅以掷标为主题更有香港代表队的签名战衣，足见店主对此运动的喜爱。
继续阅读