孖啡 (已結業)

週末出去MK買野同行街，想搵間好坐又唔會嘈既cafe食個晚飯，之前同成班朋友黎過「孖啡」玩board game，記得杯飲品好正。今次試左dinner set, 加多HK$25要埋龍蝦湯，個湯好大碟，龍蝦味都好夠濃，有少少忌廉湯既口感！頭盤叫左凱撒沙律，因為怕太肥，問下可唔可以少醬，店員建議沙律醬可以分開上，服務真的很好，沙律菜夠新鮮，有芝士同烤麵包，都夠曬味，都唔洗點用醬。主食簡左軟殼蟹黑松露意大利粉，黑松露落得好夠，每條意粉都食到好香既黑松露味，好掛汁，軟殼蟹炸得好脆，有成隻上，其實都好抵食，份量真係堅大份！另一款主食係龍蝦汁海鮮天使麵，相比之下，龍蝦汁反而無黑松露咁惹味，仲有頭先個龍蝦湯好似仲濃味過天使麵，跟住薯條先黎到，證明制作需時，即叫先即炸，夠曬香脆，又係份量奇多，真係食唔曬，都預左要外賣帶走，仲有加左杯Oreo奶昔，超濃Oreo味，懷疑落左勁多塊，真係好足料，好正好好飲！下次會同friend再黎食，水準真係保持到！