粗菜館 (已結業)

中午一點幾鐘晏晝時間黎到，餐廳幾大仲有2層所以唔駛等位午市套餐叫左蜜味東坡骨同埋老火湯，椰子煲雞好清甜而且一啲都唔油膩，好啱夏天飲！如果有小小椰肉同雞肉食就perfect喇！主菜東坡骨好正，啲肉炆到好冧，好輕鬆就可以將骨肉分離，味道甜甜地好開胃！豬油撈飯要加$8, 但見佢上枱個樣咁精緻即刻覺得抵番啦！平時唔多鍾意食飯既我都輕鬆清左成碗同事就嗌左麻婆豆腐肉鬆飯，裡面除左辣椒之外仲有啲薑片，食落比平時食開既辣啲。整體黎講呢個粗菜午餐真係堅正！有機會一定encore!