浪人日本料理 (已結業)

之前喺中環食過浪人日本料理，感覺不錯。發現灣仔仲有一間放題店，當然要一試究竟啦！食放題最怕趕頭趕命，未食飽就俾人催埋單，而浪人的好處就係唔限時，入座開始可以一直食到LAST ORDER，可以慢慢食，舒服好多。飲品櫃的汽水有好多選擇，如果想飲酒，旁邊都有清酒可以斟。平時食放題，好多時都係第一轉刺身先係最新鮮，RE-ORDER質素就會下降。由於呢度係半自助形式，刺身係自己出去望住師傅即切，質素好有保證！咁就RE-ORDER幾多次都係一樣新鮮啦～壽司選擇唔算非常多，但係就簡而精，基本上大眾鍾意食的都有齊。個人最愛火炙三文魚壽司同埋鵝肝壽司，食完又食！前菜都唔輸蝕，薯仔沙律、青絲海蜇簡單又美味。燒物非常香口，羊架完全唔羶，牛肉串好惹味，而燒帶子都好鮮甜！芝士焗廣島蠔當然係放題必食。天婦羅炸得剛剛好，皮夠脆，又唔會太油。我地食齊哂紫薯、秋葵、南瓜同埋蝦～重點推薦甜品吧！！！見到咁多人排隊就知道有幾正啦！冇諗過放題可以食到咁高質素的甜品，種類非常多，而且好多都唔係放題常見的，好有特色。水信玄餅淡淡地好清新，梅酒啫喱酸甜又有酒香，焦糖燉蛋同埋水果PANCAKE都係即叫即製，仲可以揀埋水果的配搭！浪人