萬鎔少館 (已結業)

雀籠點心薈 雀籠造型嘅點心拼盤，格外打卡able。點心薈有六款，有翡翠蝦餃、鮑魚燒賣皇、懷舊芝麻卷、東瀛鰻魚酥、和牛天鵝酥同水晶菜苗餃，點心賣相精美，用鰻魚做嘅點心都較為少見，見到天鵝酥通常係榴連餡，原來係和牛餡又幾特別，好多懷舊點心已經吾多酒樓食到，呢到竟然可以食到芝麻卷，真係好驚喜！菊花上素石榴球石榴球裝滿饀料脹卜卜，饀料有粟米、甘荀、冬菇、木耳粒等等，以金黃色南瓜蓉作為湯底，好味又搶眼。胡椒雞湯灌湯餃原盅上枱夠曬熱辣辣，灌湯餃食得多，但胡椒雞湯底就第一次食，胡椒味都幾重，越飲越惹味，飲完成個人暖笠笠，冬天飲就啱曬。鮑汁豬手撈粗豬手炆得好軟腍，麵同豬手都充滿鮑汁嘅味道，滿滿骨膠原。紅柿蒜子娃娃菜娃娃菜好新鮮，配番茄更添滋味。萬鎔班藺糕好少食煎嘅班蘭糕，口感好煙韌，煎過十分香口，份量都好充足。