吞POT 雞煲火鍋.住家菜 (已結業)

旺角食雞煲，食黎食去都係個幾間，未行到去都知d雞咩味，有d悶，所以今次決定試下新野。呢間呑Pot係彌敦道，近地鐵站，都算就腳，而且樓處廿一樓，都叫有d景望下。入到去，坐嘅地方都闊絡，同朋友傾計都有私密度，唔怕比人地聽到講緊乜。野食方面呢，雞褒好入味，不過略嫌份量有d少，叫左一隻，4個人食左幾舊就食曬。可以見到有辣椒，食落重有花椒味，唔係味精粉溝岀黎嘅味。配菜方面，最岀色嘅一定係芝士嚮玲啦，即叫即炸，入面有流心爆醬嘅芝士，索一索d湯底，正！其他配菜味道都唔錯，牛肉食落都新鮮，羊肉就比較一般，上枱嘅時候重係未解好凍，有少少硬。另外，叫左十寶丸，款款都有唔同嘅特色，有唔同口感同用料，都幾有特色。總體都叫唔錯，可以番食！