影片
更多
2020-10-30
107 浏览
喺灣仔食飯，朋友話想食麻辣火鍋，所以就揀咗呢間出名質素好嘅重慶麻辣火鍋店。朋友唔太食得辣，幫佢揀咗鴛鴦麻辣鍋，一邊小辣麻辣湯，一邊豬骨湯，怕辣都食得。放工好肚餓，我哋點左好多嘢食。先送上清潤的雪耳紅棗糖水，食麻辣火鍋前打底，唔怕傷腸胃。打邊爐肥牛當然唔少得，美國雪花肥牛肥瘦均勻配上麻辣湯底，味道香麻又有牛香。淨食一款牛當然不足夠，另叫了曉宇嫩牛肉和手打香菜牛肉滑，嫩牛肉都非常滑嫩有牛味，加入了香菜的牛肉滑則爽口而且有一種獨特的香氣😉另外點了手打四寶丸，龍躉片，白鱔等。我最愛係手打四寶丸，比起機打嘅更加精緻，爽彈。菜單上一些較特別嘅款式係稻田毛肚和現炸豆皮，比較少喺其他火鍋店見到。毛肚輕輕一煮就可以食，爽脆彈牙，非常掛湯，同麻辣湯好夾👍另外推薦炸豆皮，同響鈴一樣，輕輕灼一灼，保留脆度又吸滿湯汁，正！值得一提，這裏嘅服務質素真係好，店員殷勤有禮，細心教我地點用手機落單。環境又闊落，適合同朋友傾偈食飯，非常推薦！
喺灣仔食飯，朋友話想食麻辣火鍋，所以就揀咗呢間出名質素好嘅重慶麻辣火鍋店。
朋友唔太食得辣，幫佢揀咗鴛鴦麻辣鍋，一邊小辣麻辣湯，一邊豬骨湯，怕辣都食得。放工好肚餓，我哋點左好多嘢食。先送上清潤的雪耳紅棗糖水，食麻辣火鍋前打底，唔怕傷腸胃。
打邊爐肥牛當然唔少得，美國雪花肥牛肥瘦均勻配上麻辣湯底，味道香麻又有牛香。淨食一款牛當然不足夠，另叫了曉宇嫩牛肉和手打香菜牛肉滑，嫩牛肉都非常滑嫩有牛味，加入了香菜的牛肉滑則爽口而且有一種獨特的香氣😉
另外點了手打四寶丸，龍躉片，白鱔等。我最愛係手打四寶丸，比起機打嘅更加精緻，爽彈。菜單上一些較特別嘅款式係稻田毛肚和現炸豆皮，比較少喺其他火鍋店見到。毛肚輕輕一煮就可以食，爽脆彈牙，非常掛湯，同麻辣湯好夾👍另外推薦炸豆皮，同響鈴一樣，輕輕灼一灼，保留脆度又吸滿湯汁，正！
值得一提，這裏嘅服務質素真係好，店員殷勤有禮，細心教我地點用手機落單。環境又闊落，適合同朋友傾偈食飯，非常推薦！
张贴
