影片
更多
2022-06-22
65 浏览
又多位舊同事將會移民, 今晚相約同佢食餐farewell 飯, 最滿足當然食一人一鍋火鍋放題啦。食過幾次Popcorn大將, 質素唔錯, 成為encore餐廳之一, 今晚又再幫襯。呢度有多個肉類套餐選擇, 今次揀咗價錢相對最貴嘅套餐---北海道黑毛和牛。入座前先選擇湯底, 九款湯底選擇, 我倆各人揀咗芝士咖哩鍋、雞白湯。餐廳環境光猛闊落企理, 正中間位設自助區, 分別有混醬區、丸類、蔬菜類、飲品類、甜品類; 區域長期有職員打點, 不但整潔, refill都幾頻密。肉類方面經職員落單, 所點嘅數量都齊, 呢個套餐主打和牛, 和牛佔大多數, 另有三款豚肉, 一款雞腿肉肉類經廚房由機器人代為送到, 新奇又衛生。每款和牛都很新鮮, 即點即由機器刨出, 整齊平佈每碟之上, 表面無雪氣, 確實高質。日本北海道和牛: 網絡式分佈嘅雪花牛脂, 稍為烚幾秒食, 肉質超嫩滑; 而我所點嘅芝士咖哩鍋, 濃度剛好, 咖哩味都幾出, 令肉更加惹味, 唔需要再額外點調味。美國嚴選極上和牛: 牛脂分佈集中偏向邊位, 熟後稍為皺疊, 嫩中帶少少層次質感。美國特上和牛: 熟後較為散開, 肉質偏林澳州和牛: 牛脂較少,
食過幾次Popcorn大將, 質素唔錯, 成為encore餐廳之一, 今晚又再幫襯。
呢度有多個肉類套餐選擇, 今次揀咗價錢相對最貴嘅套餐---北海道黑毛和牛。
入座前先選擇湯底, 九款湯底選擇, 我倆各人揀咗芝士咖哩鍋、雞白湯。
餐廳環境光猛闊落企理, 正中間位設自助區, 分別有混醬區、丸類、蔬菜類、飲品類、甜品類; 區域長期有職員打點, 不但整潔, refill都幾頻密。肉類方面經職員落單, 所點嘅數量都齊,
呢個套餐主打和牛, 和牛佔大多數, 另有三款豚肉, 一款雞腿肉
肉類經廚房由機器人代為送到, 新奇又衛生。每款和牛都很新鮮, 即點即由機器刨出, 整齊平佈每碟之上, 表面無雪氣, 確實高質。
日本北海道和牛: 網絡式分佈嘅雪花牛脂, 稍為烚幾秒食, 肉質超嫩滑; 而我所點嘅芝士咖哩鍋, 濃度剛好, 咖哩味都幾出, 令肉更加惹味, 唔需要再額外點調味。
美國嚴選極上和牛: 牛脂分佈集中偏向邊位, 熟後稍為皺疊, 嫩中帶少少層次質感。
美國特上和牛: 熟後較為散開, 肉質偏林
澳州和牛: 牛脂較少, 肉質相對冇咁嫩, 有d厚實
至於美國SRF和牛就係以上兩重牛之間, 質素還可以。當然食貴餐, 主攻還是偏向狂食日本北海道和牛最正!
另外, +$32 追加大蟹棒: 特長蟹棒超鮮甜, 烚嘅時候稍為索咗少少湯汁, 味道很正, 值得追加。 
甜品方面除了少量小甜點, 仲可以親手自家製格仔餅, 同埋超推介嘅軟雪糕, 自行配搭不同配料。特別係朱古力味, 朱古力相當濃郁, 超正!! 一定要留quota食埋雪糕就Perfect~
2 浏览
0 赞好
0 留言
张贴
