和食居

营业中

休息中

香港返工lunch time想食日式嘅通常都要80幾90蚊，想搵平啲嘅又驚唔好食。係灣仔中午覓食無意見到呢間，價錢十分合理又有好多人排隊好有人氣咁就入左去試下。入面唔大，為左坐多啲客係有些少迫，但係可以接受嘅。我叫左一個日式牛肉蓋飯，都係59蚊，包熱飲，真係好抵食。上菜速度都幾快，大大碗，唔會平啲就縮水減料，牛肉放滿係面，有蛋黃撈飯，唔洗另外加汁都夠撈飯。牛肉燒汁入味，唔乾唔鞋，送飯一流🤤同事叫左拉麵，佢拉麵普遍比飯貴少少，想平食嘅叫飯就啱啦，一樣大碗夠飽。拉麵湯底唔會好鹹，拉麵亦有咬口唔會太軟身。係灣仔用咁嘅價錢食到咁有質素嘅又咁平真係難得，實在係良心小店，希望會keep住水準👍🏻