粗店燒烤 (已結業)

喺旺角行行吓街就想同朋友食過燒烤，咁經過呢間新開既又幾新淨就去試吓，點知又真係唔錯喎，食物選擇都好多，而且質素亦都係到！首先店員會點着啲蠟燭，咁熱住啲食物唔會咁快凍👍首先我要大贊呢度嘅海鮮，無論係蒜蓉粉絲扇貝定係燒生蠔都好好食！好食到我哋食完第一輪之後都仲要encore！跟住我哋叫咗好多款唔同嘅串燒，唔同嘅部位餐廳都處理得唔錯，無論係雞中翼五花肉牛肉串，雞皮等等既串燒我同朋友都食到好滋味。除咗啲普通嘅串燒之外，我哋仲叫咗個好特別嘅燒饅頭。估唔到除咗蒸同埋炸之外，燒饅頭都好好食。加埋煉奶食俾炸嘅更健康啲啦。而且餐廳員工嘅主動服務都令到我好加分，最怕佢啲貼紙買難受嘅餐廳。好彩呢間就完全唔會。