茶理史 (已結業)

話說當日係厚福街食完魚生飯，想飲下嘢。朋友死都話要飲，高同佢一齊飲囉。又真係估唔到佢咁好飲。身為男人老狗嘅我都忍唔住讚一下。個期有限量牛油果鮮奶水果茶真係好飲到上天。之後仲叫左個招牌烏龍茶，佢嘅回甘！真係正到不得了！之後分別有再試香芋鮮乳就麻麻，但個木瓜鮮乳又正返。搞到又愛又恨。不過今日試另一樣嘢，已經忘記了係咩櫻花茶，入面有櫻花嘅，真係好難飲，第一個感覺係點解有Q pet shop隻味，不了，飲左幾啖就放棄了。但我諗我會再試其他嘢，因為佢真係同其他店好唔同。