食之劇場餐廳 (已結業)

之前已經聽過呢間餐廳唔錯，今日就特登黎試一試。係白沙灣附近，附近都比較靜，而今日天氣又好，陽光普照，對住個無敵海景享受午餐真係一流。入面嘅擺設好精緻優美。我同朋友就叫左一個set d同一個set b。首先有沙拉做前菜，配上少少和風汁，而d菜亦都切成一粒粒，方便食用，相當細心，好開胃。之後前菜就有濃湯八爪魚，配上湯，令八爪魚更加有鮮味。食完前菜之後就輪到主菜啦，我同朋友share食，所以兩個都試到。首先個鰻魚飯方面，鰻魚相當肥美，而且唔會食到細骨，好細心，加上鰻魚同埋白飯都好夠熱，真係好正，而且仲有少少開味伴菜，真係一流。而個雞扒方面，廚師嘅擺設相當精緻，而個雞扒嘅生熟度方面控制相當好，係啱啱好，唔會過生或者過熟，口感相當好，再點少少沙拉醬，用黎送飯食真係好搭。最後仲有自己製雪糕，texture相當唔錯，唔會太甜。