The French Table

营业中

休息中

同屋企人想食餐好既慰勞下佢地，就緊係帶佢地試試西餐。呢間西餐廳環境有格調，座位舒適，而且服務態度一流；每一碟都可以交出水準，打卡簡直羨慕死人。今次叫左一個set，人均約$800。野菌雜菜沙律擺位精緻，食落Juicy，叫人一試難忘。蔬菜中和味道，配合得好好。兩個唔同款湯都有獨特味道，龍蝦湯味道尤其濃厚。主菜方面，虎蝦帶子意粉食落口感都唔會太乾，虎蝦大大隻，口感彈牙。鴨胸鮮嫩，配合醬汁口感豐富。叫多杯紅酒🍷成個感覺更好。整體感覺8.5/10，係一次良好西餐體驗。二人撐枱腳亦係一個好地方。就算對西餐認識唔多，侍應亦好樂意解答你問題。服務態度非常好👍🏻。