響 - Hibiki 日本燒肉 (已結業)

餐廳完全係日式風格，見到花同酒桶，日本feel十足但燒爐感覺一般，日式端爐爐設計，但爐太少網太大，火力只集中中間，邊邊位置應該好難熟，一陣試試先知menu有六大種類，唔算多亦唔算少，主要睇睇食物質素吧飲品比較驚喜，紅白酒，三款日本酒，花茶茶包，一般飲品。其中間日本梅酒味道非常好紅白酒一般餐廳會先按人頭送上海鮮，刺身同肉類，除左海鮮，其他都可以係menu再點海蝦非常大隻，彈牙味甜，不停encore鮑魚同螺夠甜夠新鮮，但蠔略差，太瘦，燒完無肉食。刺身方面中等水平，海膽鮮甜唔腥，中上水準豆腐湯，日式壽喜燒湯底，加入豆腐，娃娃菜，蒟蒻再煮，超正日本大眼雞，比較少見，而且餐廳已經處理好，只須燒熟就食得。魚肉厚實，入口微微帶咸，肉質唔會鬆散，唔錯!肉類最好食係澳洲和牛西冷，香腍次餘肉味濃;澳洲和牛胸腹同肉眼比較一般，而且較韌。天婦羅建議不停encore炸蝦!粉漿薄而且蝦肉香滑彈牙，超好食甜品方面種類選擇多，亦有非常少見既日本果凍我食太多肉了，唔食甜品。朋友食左一份movenpick同木槺布甸都夠了。