醉胡爐 (已搬遷) 新店位置

叫咗個招牌鮮椰青雞鍋， 首先店員會炒熱咗煲入面嘅椰青肉同埋雞，之後就倒入原個椰青水落去， 冇睇錯係原個椰青！ 令到湯底十分鮮甜🤤 非常建議大家喺放嘢食之前飲下佢個湯！之後我哋仲嗌咗葫蘆豚肉拼盤，紐西蘭草飼羊肉片，自家製韭菜餃 ，手打墨魚滑，脆鯇魚腩同台灣鴨血❤️不得不讚脆鯇魚腩，好大大份，仲要厚切❤️好正！ 爽口彈牙啖啖肉🤤紐西蘭草飼羊肉片分量都唔少，同埋每一片都切到岩岩好，淥兩下就食得， 仲要一啲都唔騷，好食！手打墨魚滑就十分爽口彈牙，上面仲有蟹子，無論 賣相定係味道都好吸引。