韓牛韓式燒烤 (已結業)

哇！好耐冇食過韓燒，好掛住韓國陣味呀！收工近近地，即興同個friend去左旺角既韓牛韓式燒烤。入到去比想像中大，啲位又夠闊，坐得好舒服呀！太肚餓喇！即刻出去拎野食先！因為自助形式，乜都有得食，冷盤有剌身，海鮮，刺身既款式唔算好多，但可以止止口癮。另外有海量既沙律水果同埋泡菜醃酸，好正呀！因為燒肉食得膩膩地，食D酸既中和下，之後又可以再食多D。最鐘意佢既中華沙律同無骨泰式鳳爪！夠爽脆！熱食有炸物同小菜，因為主力想食燒肉冇食太多，但D炸蝦大大隻，蝦片又夠脆，唔錯！到最想食既燒肉喇！哇！款式比想像中多，豬牛羊雞魚海鮮，應有盡有，唔同部位有唔同既口感！正！肉既質素幾好！燒到熱辣辣，好味！仲要有職員成日黎refill 唔驚冇哂要等。最正係甜品，要留肚食！凍既有凍餅，jelly，同埋好多款唔同牌子既雪糕簡！熱既都有中式糖水滋潤下。最令我震驚既竟然係有朱古力噴泉同棉花糖機可以自己整！係童年既味道呀！！有得食有得玩又抵食！性價比高！！正！