LAB10 (已結業)

呢排成日食日式燒肉，有d掛住韓燒就同🐗過黎食😋我地揀左set B+C+D，有牛又有豬又有海鮮，款式好多都好夠食。另外每位加左$80叫埋生啤😋我最鍾意係韓式梨汁牛五花，甜甜地薄薄地好易清晒成碟🐗就最鍾意牛肋肉😋肉質腍滑又有肉味，點燒汁或者辣汁都好夾。我地就主攻牛肉，好多都續盤左幾次🫶虎蝦每隻都好新鮮，肉質爽甜。自助吧雖然細細地，但食物都好高質，三款泡菜都好好食，夾埋牛肉食解膩又開胃。其中清酒煮蜆、年糕同布朗尼係必食，另外亦有幾款蔬菜夾。放題可以食90分鐘，足夠試晒咁多款食物，而且上菜好快，絕對唔會浪費時間🫶性價比亦都好高。