影片
更多
2025-01-15
309 浏览
好耐冇食烤肉啦！今日老細話要試新嘢～帶咗我嚟尖沙咀，呢間門面裝修都幾靚，乾乾淨淨～最緊要張枱夠大！想嗌多幾樣都放得落嘛🤭😅二話不說嘟個qr code就可以點菜啦！整個沙律開下胃先～🥗蟹子蟹肉沙律：蟹子蟹肉份量非常多～🥰👍🏻沙律菜又新鮮又爽脆～最重要係啲蟹肉，一啲腥味都冇，一大球畀你，啖啖肉～好過癮！！沙律可以就咁食，又可以留返嚟夾肉！👅原條手切牛脷（半條）：刀功出神入化😝切到條牛舌好似脆麻花咁🤭又真係幾過癮～原來店員會幫你燒㗎！佢話切成咁燒出嚟口感好好多～果然，因為受火均勻，口感真係幾好，幾爽脆！👍🏻🥩蝴蝶切牛頸脊啲牛肉雪花分佈軍運肉質都幾軟滑燒出嚟有好juicy嘅感覺夾快沙律菜點少少蒜蓉同豉油就得啦！！🐮和牛壽喜燒：塊和牛靚就唔使講啦～店員用火槍炙燒一陣之後，啲油脂溶咗出嚟，佢就即時用個玉子醬油幫你醮咗佢，再鋪上一口白飯嗰度，比你一啖拍曬落口，嗰種滿足感，真係難以形容🥰😍👍🏻❤️仲嗌咗護心肉、壺漬牛肋肉、冰鎮秋葵同埋飲品～真係非常豐富！！🧂🍯唔記得講……佢畀嘅沾醬有蒜蓉、韓式豉油同一個酸酸甜甜嘅泰式辣汁～另外仲有海鹽、胡椒畀你自己調味，鍾意鹹定淡，悉隨專便！！
好耐冇食烤肉啦！今日老細話要試新嘢～帶咗我嚟尖沙咀，呢間門面裝修都幾靚，乾乾淨淨～最緊要張枱夠大！想嗌多幾樣都放得落嘛🤭😅二話不說嘟個qr code就可以點菜啦！整個沙律開下胃先～
🥗蟹子蟹肉沙律：蟹子蟹肉份量非常多～🥰👍🏻沙律菜又新鮮又爽脆～最重要係啲蟹肉，一啲腥味都冇，一大球畀你，啖啖肉～好過癮！！沙律可以就咁食，又可以留返嚟夾肉！
👅原條手切牛脷（半條）：刀功出神入化😝切到條牛舌好似脆麻花咁🤭又真係幾過癮～原來店員會幫你燒㗎！佢話切成咁燒出嚟口感好好多～果然，因為受火均勻，口感真係幾好，幾爽脆！👍🏻
🥩蝴蝶切牛頸脊啲牛肉雪花分佈軍運肉質都幾軟滑燒出嚟有好juicy嘅感覺夾快沙律菜點少少蒜蓉同豉油就得啦！！
🐮和牛壽喜燒：塊和牛靚就唔使講啦～店員用火槍炙燒一陣之後，啲油脂溶咗出嚟，佢就即時用個玉子醬油幫你醮咗佢，再鋪上一口白飯嗰度，比你一啖拍曬落口，嗰種滿足感，真係難以形容🥰😍👍🏻❤️
仲嗌咗護心肉、壺漬牛肋肉、冰鎮秋葵同埋飲品～真係非常豐富！！
🧂🍯唔記得講……佢畀嘅沾醬有蒜蓉、韓式豉油同一個酸酸甜甜嘅泰式辣汁～另外仲有海鹽、胡椒畀你自己調味，鍾意鹹定淡，悉隨專便！！
张贴
