鋒哥廚房 (已結業)

今次入到黎元朗既鋒哥廚房，朋友話呢度既放題好抵食，原來係講緊雞煲放題，$288一位兩個鐘任食。🐤陳年花雕醉雞煲呢個唔係任食既，但包埋無理由唔止🤓花雕味濃，雞件入味，肉質嫩口，雞皮夠滑，醉雞黎講好出色，一個好好既開頭😌🐔麻辣雞煲呢個就任食啦，無辣不歡既朋友一定好滿意，呢個雞煲既辣椒有炒過先放落去，特別香特別辣，麻度都好濃，有啲炒過既花椒，所以有天然既麻痺感，一路食啲麻辣味一路走出黎，啲雞又夠晒大件，皮嫩肉滑，好入味，任食黎講我地加佐3次雞都算係咁😆🍲任食火鍋：黑蒜豬骨湯火鍋湯底都有幾款選擇，我地簡豬骨湯貪佢骨膠原充足，又可以補下，黑蒜令湯底除佐有豬骨既香味仲有蒜頭既濃味，奶白色既湯好濃好香！配料就多到講都講唔晒，我最中意黑毛豬肉片，豬味好濃，同呢個豬骨湯簡直絕配🐷豬肉好嫩好好食；其他丸、菜、魚皮等等既配料都好高質好正，連任食既海鮮都好新鮮，超出色！飲品呢度都係任飲既，啤酒任斟，一大杯咁飲超爽！