岩盤牛扒 ミディアムレア ステーキ (博文街) (已結業)

一直都好想食鐵板牛，咁岩見到網上推介呢間，公司又係附近，所以約左朋友放工一齊去食。門口有個大餐牌可以睇叫咩食。有3個部位既牛，有肉眼、牛柳同西冷，重可以揀咩配料係面。另外，加$25就有埋set，飲品、沙律、白飯同味噌湯，四選三，好抵！係點餐區排隊，同職員講，佢會幫你切塊牛扒同磅重，好有趣。之後就拎部機，等廚師煎香就會響，可以拎。枱面重有胡椒同粉鹽揀，可以落係牛上面。我同朋友都叫各自叫左300g西冷，加set配沙律、味噌湯同烏龍茶。拎完發現個set都幾多野，塊牛又大份，真係正。重有陣陣蒜香味，牛扒個面又煎得好令。因爲餐廳驚鐵板會傳熱太快，令牛太熟，所以只會煎到3成熟，我地可以根據自己喜好再煎熟佢。我個人鐘意5成熟，所以好快就要拎起。西冷幾有牛味，食落肉質吾會太冧，幾好。重有柚子汁配埋，可以點牛扒食，好清新，吾油膩。而朋友重叫左300g牛柳，都加左一樣既set，估吾到會咁大舊，所以煎既時間會長少少。